سرگت باب الجرح ,, شما تدگ ماينفتح ,, ما يلچم من تدگ لوصرت كلك ملح ,, خل ينفعك خنجرك ,, مرتين ما انذبح
تلفتت عيني بيوم ضعنك تشتت
ومن تيهت العيون كلبي تلفت
بيك شكثر غنيت بسته ومواويل
وشكد شكيت افراك ياولفي لليل
كابرت بس ما فاد ماينفع وياك
غير اقتنع ناسيك حتى اكدر انساك
الكلب ماهو حجار لاف علغيرك
لاتبني عش اوهام مايرد طيرك
البصــره تكف اشعار صدگ بعيده
نزرع بزر بالگـــاع تطلـع قصيده
سكــــــــــــــــرانة عيني عليك؟. دوخت عيني
شو حتى من تــــــــــروح..جنـــك تجيني
مرينه بيكم حمد واحنه بقطار الليل
مسمعنه دك كهوه شمينه ريحه حوف
يا ليل طر الفجر حايفنه لسه يحوف
هودر خمطهم ولك حدر المصارف ورق
بس انت يبن الناس شخصك حلالي
وشلون انام الليل وانت اعله بالي
ترتجف كل عضاي لو يمر اسمك
وماتنطبك لجفون جي بيها رسمك
ماعرفك انت منين بس كلبي هم بيك
صارن سنة وشهرين واتمنى احاجيك
لو أملك عصا الساحر واحقق جنة احلامي
واول أمنـيه بروحي اشوفك هسه كدامي
خليني اغار عليك خليني احبــــــــــــــــك
واصرخ بعالي الصوت جنني حبـــــــــــــــك
هانت واكول تهون ياضي العيـون
كلما افكر انساك الكلب ايخـون
كلما اريد انساك الهـج باسمـك
تاليها انت وياك شكد حلو رسمك
يـاحـلو يامزيون يل كلك محنـه
تمـطر حنان وشوك ياريحـة اهلنه
هيمي بهوى المحبوب ياروحي كل يوم
ماكدر ابقى هواي مـن عنده محروم
هـم يجي فـد يـوم وتمطر محنه
لـو كلبك البذات بايعـنه جنـه
ياهو اليكول انساك صدكني مجنون
هوه الرمش بالعين ايفارك عيـون
صح انت عني بعيد صح ماأشوفك
بس كلبي بالدكات يرسم حروفك
هاجن جروح الروح من مرني طاريك
ولو بيدي وسط الروح والله اخليك
يدك بأسمك الدلال ماتسمع انته؟
ويعزفلك الشريان تاليها خنته!
كَلبي التولع بيك والصار أسيرك
لا تعتقد ينساك أو يحب غيرك
يامن تركت الروح جايبلك شهود
انتضرك انة اسنين لو اعرف اتعود
انا السلوى لشفايفهم وانا المن
الي منهو بعد حبهم وانا لمن
يسألوني على كليبي ون المن
ون على الجان ولفي وخان بيه
يالماخذ انت الروح وباحلامي فارس
شن هالجمال البيك ربي الك حارس
يالماخذ انته الروح سمعني حسك
شن هالجمال البيك ربي يحرسك
يالماخذ انت الروح وباحلامي فارس
شن هالجمال البيك ربي الك حارس
عرفت الدنيا يسمر من خلالك
وهسه ارتاح گلبي من خلالك
يبرحي ارجوك رايد من خلالك
خلالك والعسل طعمة سويه
وشـــــــــــــــملاچ
دعيت الرب يلم شملي وشملاچ
وعگب عينچ أمل مالي وشملاچ
أصيرن كون بجفونچ وشم لاچ
وأبوس عيونچ بصبح ومسيه
شعرك ليل وتبده يمرمر
تدري فراكك لعيني يمرمر
وحق عيناك من شخصك يمرمر
اشتعل كلي ادور وين اديه
عـِراقي
عراقي واصيح بعالي صوتي
واضل للموت جنسيتي عراقي
واذا مستثقل اسمي
هم أجي وياك شيل ال( ع ) هم ابقى اني راقي
الذهب طبعه ذهب ياهو اللذي......منكره
حجي التسمعه علي صدك تره.....منكره
اشلون يوم الحشر لو ناشدك.....منكره
جزر وياي ما فد يوم * مدّيت
وطبع بيك انتَ تاخذ دوم * مديت
انه روحي جســر للزين * مديت
وللبذآت ماكولن خطية .....
حزني عليك مايبطل وناحي
اسب اللامني بودك ونا حاي
تبات الناس مستوره ونا حاي
ليلي والنجم يشهد عليه ....
كل مغرم برت علته وناله
سعيد اللي حضه بشخصك وناله
الطارش من سمع نوحي وناله
ترك شغله وبجه رحمه عليه ....
ليـــــل وســـــهـــر واشـــواق طبكــــن ســــوية
وســــفة التعــبـــت وياه ايروح من اديـــة
صحيح الدهر وكت الضيج وطني
ودار العز تضل للدوم وطني
موش انه اليمد الايد وطني
يخسه وكتي نفس عندي ابيه...
انا الابيض الك كلبي وصافي
وقليل من البشر تحمل وصافي
يزعلونك علي عمدا وصافي
واضل وياك مهما يصير بية ......
هجرك يولف صاير بلاحد
مثل سيف اليكص ركبه بلاحد
كلتلي انتظري انه ارجع بالاحد
اجه الاحد ويمته اتعود اليه...
زماني وية الالم وياي ميعود.
حبيبي الراح ابد والله ميعود
الحزن انوب يريد يعود ميعود
مبلل ترة وما خاف لو تمطر عليه ....
هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه ...
*منومثلي تعب لجلك ودارة
وعاش بعيد عن اهلة ودارة
اريد اعرف منو لعب بعقلك ودارة
حبيبي شما يصير انت الية
عليك اصغار تسالني والكبار
وانا المتقي بحبك والك بار
الك تكية بنص كلبي والك بار
تصلي وتسكر وتخطب عليـــه
حقي من أحامي إعليـــج ياشجرة التيــن
ماي الربيـــــتي إعليه من دمعة العيــن
عراق انت والك بالروح منصب
وعلى فركاك دمعي منصب
عسى موتي قريب وقبري من صب
ولا اسمع خبر عنك اذيه ...
**حلفت ما اكعد ابفيك ونخلك
شلون دكول انت اخويه وانه اخ الك
لجيبن منخل الخوة وانخلك
واطلع كل اخو يكول شعليه****
*حلفت ما اكعد بمطعم ولا صاله
وشعجب هالناس مابيهم اصاله
اني اللي شفت راغب واصاله
عزو كاتي يتفيك عليه ***
**تكلي بعد ما اريدك ولا ابيك
هاي اطباع مو منك ولا بيك
ابد الوم والدتك ولا ابيك
ليس خطأ أن تعود أدراجك ما دمت قد مشيت في الطريق الخطأ ..
أسـعـد القلوب .. التي تنبض للآخرين
دنيا غريبة .. فالذين يموتون بالتخمة أضعاف الذين يموتون جوعـاً
النفوس القوية .. لا تعرف اليأس
جلست قبالة البحر في عيناها
وطغت لغة العيون على لغة الكلام
التي تعطلت في تلك اللحظات ..
تشابكت أصابع أيدينا كعقدة حبال
يستحيل تحريرها ..
اهنئك على رائعتك
واسجل اعجابي الشديد بها
مودتي وتقديري
رائعتكَ المذهلة قراتها مرارا
وتكرارا ورايتُ جمالَ الوصفِ فيها
كما تهبُ النسمات على البحر
هكذا هبت نسمات كلماتكَ
على قلوبنا فانعشتها
كلمات دافئة..سمفونية رائعة تعزف أوتارها
من القلب ..
ونغوص في أعماقها ..
لنحط الرحال على جزيرتك
الخضــــــراء..
تألق لامتناهي
مزيدا من العطاء
أتحمل فراك الغير بس انت لآله
مال ابتعد وانساك هاي استحاله
بچـت عيوني عالراحو وهدبي
واعرفه گليبي مايهده واهدبيه
الحسبته سلاح بالشده وهدبيه
هدني .. وهدو بيه عدواني عليه
ثوب الحزن بفراكك لبسنه
وثكيل الطبع طبعه لو لبسنه ؟؟
ولك خدك ما وصلناله لا .. بسنه
تزعل ليش يمدلل عليــــه ؟؟؟
بعد بيتي وبيت اهلي وجــــــــــاري
وحسابك بالگلب مصرف وجــــــاري
دمع عيني نهر لجلـــك وجــــــــاري
عميت واهلي ما يدرون بيـه
كل البچــه اعله فراك واسيته ببچــاي
بس من بچــيت اعليك محد بچــه ويـاي
يـالجِنتْ مثل الكًمَـر تضوي وتشع بسماي
لو ردِت تحجي الصدك تحلِفْ قبـِل بسماي
هسـٌه تشـوف الدمع من ناظري بس ماي
شجاك شغيّرك وك يااقاسي عليّه
======= عتابه =========
تعال وشوف كلبي من بعدكم
حزين ومايحب احد بعدكم
لوطال العمر وانتو بعدكم
يضل حبكم ابكلبي الى يوم الحساب
================
ركبت براس كوكب وين اهلنا
ندور بالمنازل وين اهلنا
يهل طرف المجابل وين اهلنا
غدو عني وعنك چالسراب
====== سويحلي =======
مرسالين دزيت الك والثالث اجيت اني
شنهو اسباب الزعل وينكم يخلاني
======================
مريت للدار لني الدار تشكيلي
يدار وين ارحلو اهل التعاليلي
==================
سل سلني سل فركاك سل سل عظامي
خلاني عكس الناس امشي على هامي
معروف جرح السيف تتعقبه ادموم ........ وجرح اللسان ايصير نزفه من الهموم
العشك من استراحينا وهدنة
واخذنا من الدمع راحا وهدنة
ياحلو الطول فك ياخه وهدنة
عجزنه من الهوا وناره سريه ..
قضية اسمك على اسمك ماشخطنة
ازدحام احنة على دربك وماشي خطنة
شتضن من كد حلاتك ماشخطنة
اليشوفك ينشخط مية بالمية ..
أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه ..
اهداء الى
وحگ عيسى وحگ مريم والاحد
بعدهم ما تهل عيني عله احد
حفر گبري من اخذ روحي ولحد
وقروا الانجيل من صلوا عليه ..
مره اشوفكم مشمش...مرتين
وكلبي مو مره حب...مرتين
العنده مره هلكانوانه...مرتين
وحده ترفع والثانيه تكبس بيه ..
نساك الطلع برة ونـتـناسة
يالعراق انت اهله وانت ناسة
يذكرك تراب الوطن وانت ناسة
لا تنسة الفرات من شربت ميه ..
انة الحزت الصبر والصبر حزني
والف وسفة اعلة سيف الظلم حزني
البحر الابيض لون يلفيه حزني
يصير اسود بلون اليل مية ..
هم غفت عينك يوم شكد قاسي كلبك
باليقظه احلم بيك واصرخ احبك
كل الگلوب تنام بس گلبي گاعد
والضغط من فرگاك كل ساعه صاعد
الرد..
الگلب مدري شبييه كل لحظه نغمه
والضغط صاعد فول ونگول رحمه
ذبل هرش الكلب لاجلك وخاوه
وطمع ما ردت منك وخاوه
الفخر مو للذي عاشر وخاوه
الفخر للطيب اليذكر خوييه ..
الك حن الگلب يسمر والك مال
وذاب الگلب من هجرك والك مال
لآني ناجح بحبك ولا كمال
ولا راسب واكلك حيل بيــه ..
هجم حبك على سنيني غزلها
وروحي بمغزل الحسره غزلها
القصايد بس الك لايك غزلها
شكد افرح اذا تسأل عليه ..
غرف رمان بخـــــدوده غرف تين
ويريت اغرفلي من حسنا غرفتين
داجر مشتمل كلبي غرفتيـــــن
والايجار بوسه بكل مسيــــــــه ..
تركت الموصل بعد ولاعود
ولادمبك بعد يسليني ولاعود
مابقى بيا غصن اخضر ولاعود
لان فُركَاك اخذ كلشي من يديه ..
عليك اصغار تسالني والكبار
وانا المتقي بحبك والك بار
الك كنيسة بنص كلبي والك بار
تصلي وتسكر وتخطب عليـــه ..
لاصوت ولا خبر ولا حس ولا اثر بس هذا طبع القمر يطل يوم ويغيب شهر
إعرف الرجل من فعله لا من كلامه
واعرف محبته من عينه لا من لسانه
المرأة العاقلة هي التي تزن الرجال بالأعمال لا بالمال
من لم يتنفع بعينه لم ينتفع بأذنه
روحي إبسريـــر الموت تنشدني عنـٌــــــك
وتكًًـــلي ليش إهـــواك متبري منــــــٌـك
غريب ولاوطن عندى ولادار
وحولك ما خلص يبني ولادار
يبني اجفاك مرمـرني ولادار
بحليبك ياحبيب تعود اليه ...
ربينه اعلى حبك احنه علينـه
نصيح بشده لـوطحنه علينه
يا عراق جـارت الدنيـا علينه
ورمتنه بـدار غربه واجـنبيه
...
يا عراق تحن الك عيني و نهباي
يعاني الگلب لفراگ ونبهاي
تحن لزيارتك روحي وان بهاي
اغـص بعبرتي صبح ومسـيه
....
حنيني ليك يا عراق هوايه
ودمعي الماخلص بحره هوايـه
حبك علم صار النـه هوايـه
كتبها اعلى الگلب رب البريه ......
نتحاسب انه وياك ياهو اكثر هموم
عندي بكثر دنياك والباقي مظموم
انا الابيض الك كلبي وصافي
وقليل من البشر تحمل وصافي
يزعلونك علي عمدا وصافي
واضل وياك مهما يصير بية ......
صح وغلط وياك انا ارد احله
مشتاگه ليك الروح بس ما اذله
اسمر سمارك عسل وشكد حلو دمك
ما جوز من عشرتك لو انذبح يمك
تمثال الك بالعين شايلتة الجفون
و نافورة منة وبيه دمعات العيون
ماشينة كل الناس يالتدري بينة
ومثل الضمير البيك ماظن لكينة
صح انته عني بعيد بس روحي تهواك
ادفنهه عدله الروح لو مرة تنساك
اتمنى اشوفك دوم يسعدني ملكاك
وجروحي كلها اطيب من اكعد اوياك
ملعون هذا ألزمن ملعونه دكاته
باعدنه عن ألمحب و حارمنه ضحكاته
ارسل سلام الروح واجمل تحيه
واسال على الطيبين صبح ومسيه
ياماخذين الولف اوليفي وريد أويـاه
مانام لليل الشتى أومقدر على فرقاه
ثاري الزمن غدار سواهة بية
ضحكني ليلة ويوم وبجاني مية
بجاك الدهر مية يوم متعجب بهاي
اني ابجي طول الدهر بس يرجع هواي
مؤلم أن يصبح الصبر قفل الفرج
جنه بجنه مانعرف شيعه من السنه
ولا نعرف شنهو التهجير
ابشرك مابعد بالعين ضل ماي
وحس حته الصبح بجفاك ضلماي
زماني مرادف عله الروح ضلماي
سلب عقلي وشدهني وشد اديه
مصايب غربتي بهجرك لوني"
أفرح وأنسعد وأرجع لوني"
أمنيتي من العمر يمك لو أني"
تواسيني وتضمد جروحي الية
هي- لتهم بالعمر خلصان وحده
وانا ضعني سرى بالهوى وحده
حلت جنها بعيونك غير وحده
كمت ماتسأل ولاتمر بيه
هو- غيرج ماحلى بعيني ولاطاب
ولادونج دخل قلبي ولاطاب
ياجرحي وياج لاهود ولاطاب
دم ينزف ولاتدرين بيه
شيصير لو كلبك يحن وكلبي ترحم حاله
شيصير لو بيدك تمس نبضه وتشوف شماله
ياناس هم شفتوا قبل بالحب مثل هالحاله
المكتول يرضى بالكتل ويتوسل بكتاله
تدري شكثر أهواك وشكثر حبي
ماعندي فد مقياس واليدري ربــي
هم دهر هم أفراك هم أمهه تدعي
كلهه عداوه ويــــــاي ونوبه ربعــــي
شلونك يبعد الروح شمسوي كلي
ماعندي غيرك دوم بالدنيه شلي
ليش أمن أذكرج ليش ماأشتهي النوم
هم حلوه مثلي يصير كل ليـــــلج هموم
حبك يبعد الروح أصـــــبح جهنــــــم
ماظن عضو بعضاي من عنده يسلم
تدري أشكثر أهواك يابعد العيون
أبكد السمه والكــــــــاع وما يكفون
أمن أسمك كتبت أشعار وهالصرت مجنون
كلنه بسيــــــــــطه تهـــون لو شفتك شلــــــون ؟
خفيف العقل من بعدك تراني
واريدك دوم بعيونك ترانـي
أفكر بيك كل ساعــة تراني
أفكر والبعد يصعـب عليــه
متعجبه النسوان
براغب علامة
داخل حسن يسواه
ويسوه عمامة
الدهر لو وازاك
إزرع طماطة
وازرع بصفها اخيار
واشبع زلاطة
**كلمن يگول انساك
صدگني چذاب
حبك جرح بالروح
ينزف ولاطاب
هدني التعب يفلان
والهم أكلني
من غيبتك لليوم
محد فگدني
سهران افكر بيك
ماشايف النوم
وتخيلت مرسوم
وجهك بالنجوم
أصفن واعد انجوم
وايدي اعله خدي
هم غربة هم افراگـ
هم ولفي ضدي
غيرة وكرم واخلاص
كلهن صفاتك
واتعب شوصف بيك
يالطيبة ذاتك
حسبالك آنه انساك
يالتسوه كلشي
تسوه العدل والمات
والتوه يمشي
مفخخ صرت بهواك
صرت انتحاري
تفجيري بالريموت
بيدك قراري
فخخت روحي اليوم
كل هذا لجلك
ولو مارضوا ينطوك
أنفجر بهلك
سيطرة بدرب اهواي
وهمية أنصب
حته امن اشوفه ايفوت
أخطفه وأهرب
عبوة وزرعني الشوگـ
صرت اعله دربك
واعذرني لو طگيت
فجرني حبك
تدري شوكت أنساك
ياأغله الاحباب
لمن يجيني الموت
واتغطه بتراب
لعيونك الحلوات
صدگني أشتاگـ
ماأصبر بلياك
واتحمل افراگـ
غالي وعزيز اهواي
وفراگك اهموم
وعيوني لو تنساك
أعميها للدوم
يم بيتي بيتك كون
واشمرلك العين
تشبعها منك شوف
وتردها بعدين
صايم على فرگاك
غيرك فلا اريد
أفطر أنه بملگاك
وك شوفتك عيد
أتعارك اويه النوم
بلكي اغفه وانساك
تاليها صورة وصوت
إبحلمي الگاك
نامت اگلوب الناس
بس گلبي گاعد
والضغط من فرگاك
كل ساعة صاعد
بالگلب ساكن دوم
مايمكن انساك
يهجرني حته النوم
من يمر ذكراك
الخوة شحت حيل
صارت قليلة
لكن وحگ عيناك
خوتنه اصيلة
مذنب أظل بهواك
كون انته قاضي
تحكمني بالإعدام
صدگني راضي
صدگوني مامرتاح
يالروحي عدكم
لو أدري هيچ اشتاگـ
ماعاشرتكم
الروح اذا تنساك
ميتة اعتبرها
وبيسرتي ويمناي
أحفر گبرها
صابر على فرگاك
گلبي اليريدك
والصبر يالمحبوب
مفتاحه بيدك
كون الفرح ينباع
واشريلك العيد
يالشوفتك عيدين
عيد احله من عيد
تبقه انته تاج الراس
تبقه انته راقي
يالريحتك بغداد
واسمك عراقي
صح البشر حلوين
بس الك ميزة
تدخل گلب تهريب
وبليه فيزة
ظلمة ودرب عاثور
والدنيه تمطر
لغيرك فلا تانيت
بس الك أنطر
طيفك نبض بالعين
كل ليلة ضيفي
بعيونك الحلوات
هم يمر طيفي
دم الگلب بجفاك
فاض من العيون
مو حب طبيعي اهواك
بيك آنه مجنون
يهتز يريد ايطيح
گلبي اعله فرگاك
لايرضه جرحي ايطيب
لايرضه ينساك
ريت الأصابع هاي
إيصيرن اشموع
مشعولة لجلك دوم
للأبد متموع
حط حرس حط اسلاح
حط قوة يمك
لازم أجيك اليوم
أوصل واشمك
الصحبة صحبة موت
لتظن اعوفك
ماتدري آنه اشلون
مشتاگـ اشوفك
بالحلم شفتك طيف
چذبت العيون
نايم وافكر بيك
من اگعد اشلون
الدهر لو وازاك
خذلك معلمة
جيبك تترسه افلوس
وابنك تعلمه
بدلالي اضمك حيل
وبوسط الضلوع
من عنده تاكل زين
لو مسك الجوع
مشتاگـ الك مشتاگـ
وبگلبي حسرة
بيه كسر يهواي
وانته التجبرة
بالليل افز فزات
وابچي اعله حالي
كله بسبب فرگاك
اشگد انته غالي
تدري شكثر تشتاگـ
لطيوفك العين
ابكثر ماتشتاگـ
زينب للحسين
تبقه بوسط هالروح
تبقه انته ظلعي
ولو أحسب الغالين
إنته اغله ربعي
رمش برمش شديت
مانامت العين
تسهر والك تشتاگـ
مطلوبة الك دين
نوم المخدة ايلوگـ
للباله خالي
ومنين اجيب النوم
وانته اعله بالي
وينك حبيب الروح
مشتاگـ اضمك
صح امشي بين الناس
بس روحي يمك
==============
يسألني ملك الموت
روحك شجاها
گتله حبيب الروح
گبلك خذاها
گالولي روح بعيد
وانسه التريده
گلت البعد شيفيد
مو گلبي بيده
للدوم اسولف بيك
يارفعة الراس
الدنيه كلها بخير
لو مثلك الناس
شگ عيني واشرب ماي
واترس چفوفك
بس وحده خلها ارجوك
بيها ارد اشوفك
بالعتبة شفت دموع
من طول جفاك
ثاريها حته الباب
تبچي اعله فرگاك
الي ما يفتح زنبيلو محد ما يعبيلو
القرد بعين امو غزال
من بخل على نفسه فهو على غيره أبخل
المحبة لاتعرف عمقها الا ساعة الفراق
من تبعد أسكر بيك أو من تكَرب أصحه
أو ماصخ يظل كل زاد بس إنت ملحه
أهلاً وسهلاً بيك ياسبب موتي
عفت العشيرة عليك أوأمي او أخوتي
بطل وربع جريت كل قصدي انساك
وتاليهه باخر بيك بالمزة الكـــــاك
لاواشي لانمام يبعدني عــنك
بس الكبر يهواي ياخذني منك
تدري اشوكت هلروح من حبك اتوب ؟؟
من تسمع الشيطان غفروله لذنوب!!
غالي وعزيز اهواي وفراگك اهموم
وعيوني لو تنساك أعميها للدوم
صايم على فرگاك غيرك فلا اريد
أفطر أنه بملگاك وك شوفتك عيد
ما يهز گلبه الشوگ ! شوما يجيني ؟
يمكن طلع بذات لو گلبه صيني!!
كون الفرح ينباع واشريلك العيد
يالشوفتك عيدين عيد احله من عيد
ناسي ونسيت الناس بس مانسيتك
ولوغبت عن العين بالدم لگيتك
روحي سفينة شوگـ وانته هواها
ولو فكرت تنساك تغرگـ عساها
كلما أريد انساك تاخذني سكته
بالدنيه احب اثنين بس الله وانته
لو تدري شنهو ألصار بيّة و جرالي
من فرگتك إبليس يبچي اعلة حالي
لا نانسي لا هيفاء ولا حتى اصاله
الدهر لو وازاك اخذلك سمينة
هم بالشتا ادفيك وهم بالعركة زينة
الدهر لو وازاك اخذلك رشيقة
تريحك بالمصروف دومها أنيقة
مص ارد امص هواي مثل الطماطه
واشبك العشرة عليه من جوة اباطه
بيه المرض لابيك ياربي يندار
واوصل زحف للبيت واهديلك ازهار
يا صاح دمعي دفك ما فاد وياكم
كلما تصيحون كلبي ويصيح وياكم
انهاكم اليوم عن فراكي وياكم
مرينه بيكم حمد واحنه بقطار الليل
واسمعنه دك اكهوه وشمينه ريحيه هيل
ياريل صيح بقهر صيحة عشك ياريل
هودر هواهم والك حدر السنابل كطه
يابو محابس شذر يالشاد خزامات
ياريل بالله بغنيج من تجزي بأام شامات
هودر هواهم والك حدر السنابل كطه
والاخر يشكي فرقة الاخوان:
ياعازة الاخوان عازتها عازة
والماوراها صياح وحشة الجنازة
****
يرد عليه:
جا شلي بالاخوان والماينفعون
عود من اموت ايجون وية اليشيعون
اموت بنطرة اعيونك وشعرك
واحب اسمع مواويلك وشعرك
تمنيتك قصيدة انت وشعرك
وردد بيك كل صبح و مسية
عــزيزي اديـارنا لو جيتوا مـرها
ونفســـك عالوفـا والطيـب مـرها
خذ من الدنيا حلوها وعيف مرها
لأن مـــــرها أمــر مــن المنيــــه
ريد الكه دوة اللروحي وسمه
سعاد السابية العالم ابسمه
ياخوها لاتصيحلها باسمه
اسمه ايهيج النيران بيه
00 يربي الزمني من ايدي وهدني
تره بيه الحزن اثر وهدنــــــــــي
الدهر ما يوم كف عني وهدني
فجعني بفراكها او كطع بيه
هلي ما لبسوا خادم سملهم
وبجبود العدى باين سم الهم
ان جان اهلك نجم اهلي سما الهم
كثير من النجم على وغاب
الوكت لابد يطخ راسه ونخلاك
رغم مانسف ابحالك ونخلا ك
اخوي انته ابوكت ظيجي ونخلاك
ذخر ضمني التريده ايحصل بيه
بفرح وبحزن افزع لك واعينك
و افرزّك من الف زلمه واعيّنك
اصيرن ايدك و عقلك و عينك
واگضي الواجبه التحكم عليه
يدنيه بحبل عتيني وجري
وحيل بنار جويني وجري
الوادم سمج مزتهه وجري
وانه الجـَاجـِيك حسره عليه
عراق انت والك بالروح منصب
وعلى فركاك دمعي منصب
عسى موتي قريب وقبري من صب
ولا اسمع خبر عنك اذيه ...
ناذر نذير لوجيت وتشوفة العيون
اكعد اجدي اسبوع يم باب الحسين
يـم ركبـه البلور يـم شعر الأصفـر
عند الله ادعي عليج عالفـركه مكـدر
هلا كون الفرح ينباع واشريلك العيد
يالشوفتك عيدين عيد احله من عيد
وينك حبيب الروح مشتاك اضمك
صح امشي بين الناس بس روحي يمك
رباه هبها مدى الأيام افراحا***واجعل فؤادا لها يا رب مرتاحا
أقولها للجميـــع
الله يبعد كل الهموم إن شاء الله
شـكرا ً لك يالغالي
حزينة الروح * وبغـيابك شــعرنا
وقصايد بيــك يمدلل شــعـرنا
الشــعر لو شاب ما نصبغ شــعرنا
شــبابي يعــوود من تســأل عليــة
رب دهر بكيت منه و
هـلا و غلى بهل الطله
هلا بأهل الشعر والقلم واهله
هلا كـل الهـلا بالطــيب واهله
هلا بأهــل الكـرم اذواق اهلــه
هلا بهالطلــه والجيــه البهـيــه
غـرامك يا حلو بنص ليل هيفا
وليلي الشاف طولك طول هيفا
ونانسي وأصاله اتخبلت وتغار هيفا
من اليسا ونجوى وميريام فارس عليه
غيرك ماحلا بعيني ولاطاب
ولا دونك دخل قلبي ولاطاب
يجرحي وياك لاهود ولاطاب
بدمي انت وانتضرك ليوم المنية
هلي وياكم يلذ العيش ويطيب
ونسايمكم تداوي الجرح ويطيب
هلي منكم تعلمت الوفا والطيب
هلي يااهل االمضايف والدلال
أريد أبجي على حَالي وانا حَي
وشوف الدُنيا حَليانا بعَيني وأنا حَيّ
ولما أجاني وانا حَي شـليه بي بردَات لترابي
هجم السرور عليّ حتى إنه **من فرط ما قد سرّني أبكاني
هجم السرور علي حتى إنه*
من فرط ما قد سرني أبكاني
يا عين صار الدمع منك سجية*
تبكين من فرح ومن أحزان
(من الشعر الوارد في ألف ليلة وليلة)
ولقد ندمت على تفرق شملنا
دهرا وفاض الدمع من أجفاني
ونذرت أن عاد الزمان يلمنا
لا عدت أذكر فرقه بلساني
هجم السرور علي حتى أنه
من فرط ما قد سرني أبكاني
يا عين صار الدمع منك سجية
تبكين من فرح ومن أحزاني
هلي مالبسو خادم سملهم
وبكبود العدا بايت سملهم
ان كان اهلك نجم اهلي سمالهم
كثير من النجم علا وغاب
هلي ماخلفوني لدق الود وثبات
خلفوني لكعد الرجال وثبات
اذا تسأل عن هلي وتثبت
هلي نواف عالدقو طناب
هلي عز النزيل وعز منزال
ودوم الهم على الدربين منزال
عشاب الناس وهلي نبت من زال
هلي نيسان قطى العاليات
هلي للشاذلي طاحون يسحون
دواهيك لعظم الضد يسحون
هلي مادرو الميدات بسحون
خنادقهم تحفر للعشا
هلي يهل المحميس والبرجاي
ياقهوة غيركم حنضل بريجاي
هلي يلغيمة البيه بريجاي
بيها الخير يوجد والكمة
هلي بالمرقب العالي يشبون
ودوم سراج بالظلمة يشبون
هلي ماكادو العطف يشبون
خلوهن حيل لطراد الضحى
هلي يهل المراتب والدواوين
وعلى كلوب العدا بنوا دواوين
اسأل أهل الدار وين أهل الدواوين
عدوا ياحسرتي حدر الترابهلي
عز النزيل وعون للطاح
هلي كاس ومدام وللتعب راح
هلي فزعة نشامه بضيج للصاح
هلي ويد ورعيد الترجن الساح
وهلي بسوح الوغى قباض الأرواح
هلي شالو بليل وما ساكوني
وخلوني شبيه الماسوك اني
طلبت الماي منم ما اسكوني
يا ويلي من هلي بان الردى
هلي شدو على مرحال واني
سجيم ولا ركالي حال واني
نحبت يوم فرك الولف والني
سهج ولا نكل كبده غثى
هلي شالو وخلوني بدرهم
وخلوني جما الهايم بدرهم
متى تضوي على ليلي بدرهم
وتعزل الظلام من الضوى
اريدك تسرع بحالي يما جود
ترى جمر الغضا بحشاي ماجود
شلون ارجى العبد والرب ماجود
حرفاته على المثلي قراب
على كلبي كثير حساب والهم
يبيدي لسحن الذرنوح والهم
ولا وليد يزيح الغيث والهم
بلجي يصير للعله دوى
هلك شالو على مكحول يا شير؟
وخلولك من عظام الحيل يا شير
يلو تبجي بكل الدمع يا شير
هلك شالو على حمص وحما
هلي شالو بليل وما شاروني
ولعازات الليالي ما شاروني
اني البظيم حالي مشهراني
صبر ماني لجوج اعلى الجرا
اريد ابجي على روحي وناحي
بعيني حليت الدنيا وناحي
صديج المارحم حالي وناحي
شلي بيه يوم ردات التراب
على كلبي كثير حساب والهم
يبيدي لسحن الذرنوح والهم
ولا وليد يزيح الغيث والهم
بلجي يصير للعله دوى
يـــــصاحب طال هجرك مر علينه
حتـــــــــى الزاد بعدك مر علينه
اذا بـــــــــــعدك تحبنه مر علينه
تعـــــــــال وكروه التكسي عليه
...................................
رمح جارح وكتنه خله بينه
ثبتنه وعيب بانت خله بينه
طبع احنه من ابونا خله بينه
نبيع ارواحنه ونحمي الخويه
مصايب غربتي بهجرك لوني"
أفرح وأنسعد وأرجع لوني"
أمنيتي من العمر يمك لو أني"
تواسيني وتضمد جروحي الية
سلامي للولف ياطيــر وصله
احبه ومن صدك محتاج وصله
كريم النسب ابن شيوخ واصله
اصل عز واصل غيره وحميه
أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه
من مثلي دمع عيني يهلهه
سبب غالب على روحي يهلهه
وعلي تحيولكم ميت يهلهه
من تبدي ترد الروح اليه
ــــــــــــــــــــــــــ
قلب صافي اذا ترغب ( كلبنه)
و ابد ما يوم عالصاحب ( كلبنة)
احنه ضلوع الك و انته (كلبنه)
و نبض كلبك يرد الروح اليه
مااجيك لا وحق كل دمعة نزلت ما اجيك ...
يل بعتني والزمن غشني بيك...
ما ابيعك مو لانك غالي الثمن بس اخاف
من ابيعك اغش اللي يشتريك ...
هامات كبل بعلو كبل السقوط سقطت
واخلاق بعض الربع مدري شبلاها سقطت
ياريت ام النذ ل باول حملها سقطت
من جان قطعة لحم ومن الشهور اربعه
ياحيف باع الوطن باوراق ميه اربعه
خله جرح بالكلب تاريخ تسعه اربعه
حتى طفلنه بجا على بغداد يوم سقطت
(2)
بغداد بغداد بس ارد اخبرج لج اهل
يثنون عندج اذا دمع الفرح لج اهل
بانت علامات بوجوه الغرب لج هول
ارعب جندهم وخلالج عندهم قدر
سواهم اشلاء دمهم بالشوارع غدر
بس انطي مهله وكت وارضي بحكم القدر
ماهل للعلوج تدرين البدر لج هل
(3)
ياباه شجنا كبل ندعر دعر ونهجم
ويوم المناطح كشفنا ربوعنا ونهاجم
جنه انتصور قيادتنا صخر ونها جام
والناس بينه اشتفت من طحنا كلهااوكبت
وحسرة دليلي ضهرت مافاد بيها كبت
بفرسانها للابد وذيج الاصايل كبت
ايابه شأخيذة وطنه بليلتين انهجم
(4)
اطلع يجيش الكفر بغداد ابد ماهلك
علوج كبلك غزو كلمن وصلهه هلك
احنه اسياد العرب يابوش طز بهلك
والله حلال الذبح الكل من يخون ابهلو
عدنه الشهادة شرف والعرب تاج الهلو
البشر من النهر كل من على منهلو
والعاون اهل الكفر وكاد تالي يهلك
(5)
طبع المجاهد يظل يجمع صلاته بقصر
من حيث له انبنى عند ربه بيت وقصر
والله ونعم الزلم مابان منهم قصر
واللي عليهم جرى مرد قليبي وحش
كبودي عكبهم غدن جن مار بيهن وحش
لكن عتبنه يخي عالوضع هذا الوحش
الخله اسود الفلا مسجونة في ام قصر
(6)
ياصاح جانة النصر مابين صبح وليل
عاجــل بامــر الذي انــزل كتابة بليل
ياصاح زيد الصبر وادعي بتوالي الليل
واصبر على مابقى ايامهم عدن
راح الجثير وبقن ايام ينعدن
وان عدت ريتا الاعصار بعد ريتات ماعدن
وان مضت ريح الصبح جتهم رياح الليل
(7)
ياوطن تبقى جبل مايوجد ابطالك
وعبوة بوجه العدو اشما راد ابطالك
وابشر بقرب النصر ون ربك ابطا لك
اعلم بأنو امتحان وغربلة الناسك
ولاتشك لحظة بأن رب العرش ناسيك
ان جان مرك غثه وجمر الهظم نسك
باجر تهلهل بناتك فوك ابطالك
(8)
الوكت انكر علينا حكوك ماردها
وسلم عدونة المراكب وية ماردها
لكمة وعليها شعرة والله ما اريدها
وتشوف ارض العراق اوكار للجاني
والناس ارض الجما ماترضى كل جانى
انى بسكرة الموت طارف خبر لو جاني
اصحى ان سمعت الهمر صاروخ ماردها
(9)
بنوات الاجواد حيف انذال جاروهن
راحو الجانوا اذا صاحن يوم جاروهن
اكبور النبايا اعداء الله جاروهن
هذا مخطط علينة بحقد تم رسمة
والجان حادي الركب حيف انهدم رسمة
تدري بحالي شجرى يومن وكع رسمه
عروك كلبي مع التمثال جروهن
(10)
صدام مثل الاسد ياما بجفه فرس
مسلم بنور النبي جم وجه مغبر فرس
السيوف جلت اوجلت من قتاله الفرس
ويشهد على هالحجي مامضى وماجان
مايوم خاف وختل وكت اتحمه وماجان
والله لولا عراقي الحاكمك ماجان
كلبي ايتألم ولكنهم صليب وفرس
ــــــــــــــــــــــــــــــــــــــــــــــــــ ــــ
بغداد يل اسمج بيه كل معاني القوة بغداد يا رمز الاصالة والنخوة
ادحري عدوانج بكل قوة ورجعي البسمة لعيونج الحلوة
ادري حبيبج غاب لكن غاب عنوة لابد يرجع الج يوم وترجع الغنوة
ابسمي يا بغداد رغم الالم والقسوة أنـــا عائد و الله ولازم يعودلج الي صدك يهوة
كَــــالو سني لو شيعي؟؟؟
كَـــلت عــراقي وصوتي داوّي
كَـــالو من عنوانك نعرف
جاوبتهم
أنباري وكوتاوي صح سامرائي
بس بالحلة
وعمارتلي واصلي مصلاوي
كَــــالو من أولادك نعرف
جاوبتهم
أولادي عموري وعلاوي
كَـــالو صلي وهي تبين
جاوبتهم
أصّـلي بالخلاني واتوضى بماي الكوفه ومن النعمان أسمع آذاني
وأول ركعة بموسى الكاظم وثاني ركعة بالكيلاني
هذا آني العراقي
الله اليجازي هلك بحراب خلوني
خلوني تحسر على ملكاك خلوني
اسوة ودليلي بجفة وبالعكل خلوني
وسكنت طول العمر جوة الحشة اة ألك
منهة دليلي ذبل ما طيب راحة هلك
يول اني كل يوم اذل النفس واجي وكل الهلك
خلوني اشوفوا كبل ما موت خلوني
يامن فلا أنبك ودي وحناني وطب
هل يدي جرح الكًلب لا وصفه فادت وطب
حالي منهد فركًتك لاهو تشافى وطب
عاشرت كل الملل سلام وكفرها وصب
ياهو الأكًصده غرز سهمه بدليلي وصب
بسرداب ولفي إحفظت وعليه ساتر وصب
تاليها واشي غفل ليه إعتناله وطب
سيف ربيع العمر توني الورد طالبه
و ابن ادم من الالم يصرخ اذا طالبه
ثارات الي وي الوكت للموت اضل طالبه
ابشاجور ضيم الوكت صف الفشك صفنه
و اليا مته بها لقسم نكضي العمر صفنه
ترضون يا ها لخلك بي بس زلم صفنه
محلاته يبقه الدرس لو عدنه بس طالبه
بحر الهجر مايلك وبحر الوفه (ماي الي)
وانا بهواك اعتقد غايه وطمع (ما ائلي)
ويا صاحبي ان چانك ذكي اعرب الي (مايلي)
لو كانه جابت خبر ينصب لو (ينضم)
ولو سر حچالك محب ينفضح لو (ينضم)
والعاشرك يا ترف ينسعد لو( ينضام)
والحمل يبقى عوج لو ينعدل (مايله)
لولة براسي عكل عكب الولف ماضل
وما جان ذيب الوهم فوكي هجم ما ضل
ناديت يا لامتي بدياركم ما ضل
ارفج معاهم يلولة تراب كلت الهم
كالولي ربعك اصبحت بالويل كلت الاهم
كالولي دمعك عجب ماسال كلتلهم
بجيت يوم نمشة ولفي ودمع ماضل
من يوم حبك تره ناري اصبحت لاهبه
والصبر بيه التهه وانه اصبحت لاهبه
لاخير منك بدر لاشكر لي لاهبه
رب الحسن بس الك كل الحسن موهبه
وذوق تأليف الشعر عندي صبح موهبه
كالولي من محبوبتك صحت وكلت مو هبه
ضحكو وردو علي كالو چذب لاهبه
كصت شعرها الخلك بس مو مثل كصتك
وما شفت بين الخلك طولك ولا كصتك
جن انته ولا انس كلي شني كصتك
عجبني طيفك معاي يبات عجبني
وكلما اسوح بدرب الكاه عاجبني
تدري انته شنهو الفتني وبيك عاجبني
عاجبني كلك حلو من جدمك لكصتك
ظليت انوح بحزن مهموم انعي وارد
على هالغوالي الگبل جانولي مثل الورد
اغرف يگلبي من هموم المرار وارد
ليما يسلك عنين بجاك والافئفه
ما اطلب بضعنهم حيف عليه وافه
يادار اهلنا جذب لو لج معاهم وفا
ما جان بيج نبت عكب الغوالي ورد
ياطير هاك الگلب روح لهلي وصله
غلطان كلمن نكر من هم هله واصله
وعنهم يدير ظهره ويگطع حبل وصله
بنادم شما كبر وشما علا شانـــه
لا ينسى أهله شكثر ضحوا على شانه
ياطير بيت الأهل شان الجسد شانه
بكل عضو يسري الألم من تشتكي وصله
بالطيف شفت الولف كمت وصحت ... ياهله
وحسيت لسه الكلب ويه العشك ... ياه اله
وانه ادري برويحتي بهذا الدرس .. ياهله
ولفراش طيف الولف رديت هايم ... وشم
بالكلب مو عل لحم اسمه طبعته .. وشم
حسنه ترس ناظري طول ومحاسن ... وشم
ترضون اجيبن هلي مشيه واجي ياهله ؟؟
من يوم شبيت شاباني الحزن والهم
اب للمصايب صرت ياصاحبي والهم
مافادني عل الاذى كل الصبر والهم
وكل يوم بحشاي جانون الهجريسره
وسوّّّّّه يميني الدهر ياصاحبي يسره
معلوم مذكور من بعد العسر يسره
ماگول سمسم صدگ لمن اگظ ولهم
*** *** ***
گلبي بودادك ترف من يوم شافك علگ
ويطيب من المرض لو حصل منكم علگ
شوباش اصيحن واحط ابيض بداري علگ
واذبح ذبيحه نذر وبيرغ بحيكم يرف
وانفض اغبار التعب وجناح طيري يرف
الشايب اشما كبر گلبه بهواهن يرف
خايف اگول وانجتل لوردت منكم علگ
يازين انت ذهب من كال عنك صفر
انه انتضرتك شهر عاشور كله وصفر
الوجه من شوكه الك بدل خدوده صفر
لان انت دكة كلب وبصدري انه معلمك
عالهجر يا منيتي منهو الذي معلمك
ياريت يرهم نقل واصبح انه معلمك
(90) احطلك سعي حتلو درجتك صفر
دنياي تمشي عكس ومن كل كتر مايلة
وسابج انهاري تصب وكل خوي مايه له
ناديت يامسندي هاك الگلب مايه له
تميت وحدي اون مهموم وبحالي
كاس المرار اشربت ما ضگت انه الحالي
ارجيت رب العرش ينضر على حالي
يعدل ضروف الدهر وما تضل مايله
احنة سيوف الوطن بالدين هوحدنة
مايوم خفنة من الكلفات او حدنة
احنة سياك الدجة ونحود منحدنة
وماثار منة ابد بالناس والكوني
ويكون حدنة فلا تمناة او كوني
ونخانة لو حشمت وبساعت الكوني
نفنة العمار ولا عادي يطب حدنة
ياصوتي علام صيح ومن منامي كعدة
وكلو نزيف الوطن ما ينكطع بكعدة
وحشمهة كلهة طفل شايب شباب كعدة
ياصوتي كلهم ترة بغداد ماسورة
وتلفهة سورة غدر وترده الف سورة
بلة يابة اشهضيمة وطنة منهدم سورة
وكوموا تراهي فلا ضلت عليهة كعدة
الإهداءات
رد: أهدي لأعضاء المنتدى يوميا ً ابوذية أو درامي بيت شعر شعبي
إضافة رد
العرض العادي
